இந்தியாவில் ஆண்டுதோறும் உள்ளூர் கிரிக்கெட் தொடரான ஐபிஎல்., கிரிக்கெட் தொடர் நடக்கிறது. 12வது ஐபிஎல்., கிரிக்கெட் தொடர் தற்போது நடக்கிறது. இதில் கடந்த ஆண்டில் ஆலோசகராக செயல்பட்ட மலிங்கா, இந்த ஆண்டு மும்பை இந்தியன்ஸ் அணியின் வீரராக மீண்டும் களமிறங்கினார்.

உள்ளூர் தொடர் கட்டாயம்:

இந்நிலையில் உலகக்கோப்பை கிரிக்கெட் தொடருக்கான அணியில் தேர்வு செய்யப்பட, இலங்கையில் நடக்கும் உள்ளூர் கிரிக்கெட் தொடரில் பங்கேற்பதை கட்டாயம் என இலங்கை கிரிக்கெட் போர்டு அறிவித்தது.

பிசிசிஐ., கோரிக்கை:

இதற்கிடையில் பிசிசிஐ.,யின் கோரிக்கை வைத்ததன் அடிப்படையில் சில போட்டியில் ஐபிஎல்., போட்டியில் பங்கேற்க மலிங்காவுக்கு இலங்கை கிரிக்கெட் போர்டு அனுமதி அளித்தது. இந்நிலையில் 03.04.19 மும்பையில் நடந்த சென்னை சூப்பர் கிங்ஸ் அணிக்கு எதிரான ஐபிஎல்., லீக் போட்டியில் பங்கேற்ற மலிங்கா, 3 விக்கெட் கைப்பற்றினார்.

04.04.19 கண்டியில்:

இதையடுத்து இலங்கை கிரிக்கெட் போர்டின் உத்தரவு படி, கண்டியில் நடந்த உள்ளூர் கிரிக்கெட்டில், பங்கேற்றார் மலிங்கா. இதில் அசத்தலாக பவுலிங் செய்த மலிங்கா 9.5 ஓவர்கள் பவுலிங் செய்து 49 ரன்களுக்கு 7 விக்கெட் கைப்பற்றினார்.
இந்திய கிரிக்கெட் வீரர்கள் பணிச்சுமையை பிசிசிஐ., உன்னிப்பாக கவனித்து வரும் நிலையில் 35 வயதில் 12 மணி நேரத்தில் சுமார் 2 கிரிக்கெட் போட்டியில் பங்கேற்று 10 விக்கெட் கைப்பற்றி அசத்தியுள்ளார் மலிங்கா.